If A=B When The Second Digit of the Number is Odd, Then Therefore I Must Be Delusional

(gawa ko to nung bago ako pumasok ng college. wala lang, gusto ko lang ishare. tinamaan kasi yung isang friend ko sa entry na to. At natawa siya. Marami na rin akong improvements since then. Nasubukan ko nang magka-grado ng 93 sa Algebra, 91 sa Trigonometry na halos isumpa ko dati. Nasubukan ko na ring magkagrado ng 89 sa English at 83 sa Filipino na sobrang minamahal ko noon. Moral Lesson:hate and love are both overrated. Wag mo nang ipa-explain saken kung baket ko nasabi yun. Magbasa ka na lang. )

Natuwa ako nung mabasa ko 'to kanina, it reminds me vaguely of myself, and what i really think about that darned academic subject,,read on!(Note: Excerpts from ABNKKBSNPLAKo?! by Bob Ong)


"..Hindi ko talaga alam kung bakit asar na asar ako sa Math! Sa kindergarten pa lang, inaantok na 'ko pag sinasabi ng teacher, "One apple plus one apple.." Hindi ko alam na Math yun dati, basta ang alam ko, boooorrrring talaga. Pag ganun na nga ang pinag-uusapan, tinititigan ko na lang yung poster ng mga alphabet sa room from A to Z, tapos balik ulit sa A, paulit-ulit hanggang sa matapos ang teacher ko sa pagbilang sa lahat ng sangkap ng fruit salad...
...Buti pa ang alphabet nakakagawa ng equation (c=a+b), ang number ba nakakagawa ng sentence (32 asked 4, 150 if 7 will 69 8)?
...Bababa ba ang bill ko sa internet pag nagfactor ako ng quadratic trinomial? Malulutas ba ng Laws of Exponents ang problema natin sa basura? Mababawasan ba ng Associative Laws of Multiplication ang mga krimen sa bansa? Makakabuti ba sa mag-asawa kung alam nila ang sum and difference of two cubes? Maganda ba sa sirkulasyon ng dugo ang parallelogram, polynomial, at cotangent? Makatwiran bang pakisamahan ang mga irrational numbers? Anak ng scientific calculator!...
...pero Math daw ang universal language. May math ang arts, music, science at sports. Math ang time and space. Math ang relo, kalendaryo, mapa, pera, at mundo. Math ang haba, layo, bilis, laki, dami, taas, luwang, bigat, lapad, lalim, at hugis. Math ang katawan ng tao, pyramid, Titanic, Olympic Games, Mt. Everest, Lego, Rubik's Cube, Pacman, Monopoly, jigsaw puzzle, solar system, financial statement, piano, election, lottery, domino, dice, baraha at roleta...
...kaya kung kakain ka sa pizza parlor at mag-isa ka lang wag ipa-slice sa walo ang buong pizza, hindi mo mauubos yon. At kung bibili ka ng kalamansi na tigsi-singkwenta sentimos, tumawad ka muna at itanong kung puwedeng dalawa-piso na lang. Yan ang Math..." (sabay nosebleed..=p)

Gaya ng gumawa ng article na 'to, ako rin nababaliw-baliw sa Math noong prep school, elementary, high school, magpahanggang sa ngayon.

Naiinis ako pag sinasabi nilang kailangan alam namin ang pagsolve ng ganito para makuha namin ang formula non na siyang sasagot sa prinoproblema naming problem in the first place.

Nakakaasar pag ang sagot ng katabi ko sa quiz eh x=4 habang ang akin eh x=4 raised to negative 10, at wala na akong time na magpalit ng answer kase nagpapasa na sila ng papel.

Nakaka-deflate din ng ego ang subject na yon. Yabang ko pang mag-recite pag Social Studies o kaya English ang subject, pero pagpasok ng Math teacher, tahimik na ko. Yung nakikita ko yung ibang mga kaklase kong pabalik-balik sa board para sagutin ang taeng problem tungkol sa bolang nahulog sa isang building at 60 ft per second, na hindi ko pa rin mainterpret kung bakit namin pinageeffortan sagutin. Yung pagkakandahirap-hirap kong magsolve sa mathematical question na sampung taon na ang nakalipas eh hindi ko pa masagot-sagot, habang yung kaklase kong magaling sa Math eh prente-prente nang naglalaro ng Gameboy sa tabi bago ko pa man madiskubre kung ano yung variables na dapat kong hanapin.

Napapanganga na lang ako habang pinapanood ang mga klasmeyts kong 'ika nga'y "math wizards" na nagbubulungan ng, "Di ba kailangan pag i-factor 'to para makuha yung zeros niya?" "Oo tol. At pag meron na, isubstitute mo na lang yung 2"... habang ako eh nagtatanong sa may gilid nila ng, "Psst..san galing yung 2?"

Ewan ko ba. Pag numbers na ang pinaguusapan, nabobobo na ko. Allergic ata ang utak ko sa equations, at exponents, at polynomials, at derivatives,,at...at..TAE! AYOKO TALAGA SA MAAAAAAAATH!


Pero malas ko. Ayaw talaga akong lubayan ng Math. Bawat galaw may math. Kahit saan ako lumingon, may Math. Kaya siguro ako nahilig sa English Lit. at Grammar kase eto lang ang tanging subject na hindi ko na kailangang mag-multiply, mag-divide, mag-add o mag-subtract para masagot ang mga tanong ko.

Pero wala namang sumiseryoso sa English. Hindi ka naman nilalapitan ng mga kaklase mo pag meron silang hindi masagot na question tungkol sa English. Wala rin atang may care sa mundo kung magaling ka sa spelling. Siguro kase, karamihan ng mga tao sa mundo eh nangangailangan din ng assistance sa Math(at hindi sa English) na kagaya ko.

Malapit na naman ang pasukan, which means, na malapit na naman akong i-torture ng Mathematics. Sa college kaya, mahihirapan pa rin ako ng husto sa subject na 'to?

Ewan ko, pero iniisip ko pa lang ang possibilities, nagdedeliryo na ko.